نفسي أطلع نضيف ...

امبارح قولت أدخل ع الموقع بتاع الاكاديمية واشوف النتيجة بتاعتي .. ومن جوايا كنت بقول يارب القيها ماظهرتش انا مش ناقص كفايه اللى انا فيه ... وفى نفس الوقت كان نفسي تبقي ظهرت عشان اعرفها واخلص واهي علقه تفوت ولا حد يموت .. وجت اللحظه الحاسمه مستني اخر اخبار تظهر قدامي عشان اعرف النتيجة اعلنت ع الموقع ولا لا ...

ان .. ان .. اااااه ..

ولقيتها فعلا اعلنت ع الموقع ..
ضربات قلبي بدأت تتعدي المسموح ..
كنت حاسس ان قلبي هايخترق عظام قفصي الصدري عشان يعلن عن تضامنه معايا ..
الصراحة كنت ف حالة قلق غير طبيعي ..

واخيرآ عرفتها .. وكانت كالتالي ..

3 مواد جيد ...
مادة جيد جدآ ...
مادة ضعيف جدآ ..

وكانت زى ماتوقعت " محاسبة تكاليف "!!

كان نفسي اطلع نضيف السنة دى .. بس اهه اللى حصل ..

أكيد ربنا ليه حكمه ف كدة!!

الى لقاء قريب

إن

شاء

الله