نهر الحب

ذلك الفيلم الاسطورة ..
الذى تفوح منه رائحه الظلم والقهر .. وتحجر القلوب ..
حيث الحرمان من الحب وانعدام العاطفه .. فكيف لنوال ان تعيش مع انسان بلا قلب ..
وكيف لها ان تحرم مشاعرها من الاعجاب بالفارس الهمام الذى طالما حلمت به كثيرآ فى منامها ..
حتى دموعها لا تفارق عينيها الرقيقتين اثناء النوم .. فمخزون الحزن فى القلب كافي ليجعلها تبكي طوال الوقت ..
البدايه كانت مؤلمة .. والنهاي لا تقل عنها المآ ..

اكثر ما يدهشني فى هذا الفيلم انه يفعل خاصيه الاحساس لدي البشر ...
يجعل البشر يبحون عن الحب .. لان الحياه من غير الحب مستحيه .. استمرار العلاقات الانسانيه بدون الحب ايضآ مستحيه ..

المشهد الاخير .. مع موسيقي لا تقل روعه عن الكلمات .. تقول

" فليعي البشر ان ارادو الحياة .. ان يفسحو فى قلوبهم مجري لنهر الحب " ..

تنهمر دموعك انت ايها المشاهد .. وتسدل الستار .. وتكتب كلمه ..

النهاية .

نفسي أعيش ميت!!

نفسي اعيش ميت ..

أموت وافضل عايش اشوف الناس هاتزعل عليا ولا لا .. ؟؟

رد فعلهم هايكون ايه وهايقولو عليا أيه .. اشوف حساناتي وسيئاتي .. أيجابياتي وسلبياتي ..

الناس اللى كنت زعلتها هاتسامحني ولا لا ...

الناس الندله هاتجيب فى سيرتي ولا هاتسيبني فى حالي

متونس فى وحدتى ..

جوة قبري وتحت تربتي !!

فى النهاية

هاقولكم مقولة أحبها كثيرآ

" لا تبكو عقب موتي .. يوم انا حي نسيتوني .. مايفيد البكاء والنوح وانتو اللى قتلتوني "

الفاتحة على روحي بقي

:)

انفلونزا الروتين

انفلونزا الروتين ..

مصدر الوباء : مصر ..

عدد المصابين : العشرات من موظفي مكاتب تقديم الخدمات العامة للجمهور ..

العلاج : لم يتم اكتشاف عقار مضاد للفيروس حتي الان ..

اعداد المصابين : فى تزايد مستمر ..

وفوتكم بالعافية !!

الوقت واقف وعقارب الساعه ثابته مابتتحركش!!

ياااااه .. مش قادر أوصف لكم ولا أقولك الدنيا شكلها عامل ازاي من غير نت !!
بجد بالنسبة لي لا تطاق ..
انا اليومين اللى فاتو اتأكدت ان النت اهم عندي من الميه والهوا ..
أكتشفت ان وجود الانترنت فى حياتي له دخل كبير جدآ فى حالتي النفسية والمزاجية ..
أكتشفت قد ايه انا كنت متقوقع فى قوقعه مالهاش لا شكل ولا منظر ولا حتي طعم ..
أكتشفت ان انا ممكن يكون عندى انترنت وماهوبش ناحية الكمبيوتر ..
بس ماطقيش اشوف علامة الايمبلج موجود على يمين التاسك بار تحت ..أكتشفت ان الوقت واقف وعقارب الساعه ثابته مابتتحركش!! ..
وبالرغم من ان الانترنت واحنا على مشارف شهر جديد خلاني اشهر افلاسي ..
وأضطرني أشتري رواتر جديد .. وواير ليس كمان ..
" على أمل ان اصلح اللاب توب يعني :S " ..

الا اني بقوله ..
فداك .. فلوسي كلها .. الشرطة والشعب وانا فى خدمتك ..
وحمد لله على سلامتك ياخطي العزيز!!

دكان شحاتة .. طعم العسل المر!!

لو كان الكلام ممكن يعبر .. كنت كتبت كلام كتير ..
بس فى حاجات كتيرة صعبة تتوصف ...


خليط من المشاعر ..


أحساس بالرغبة فى الثورة والتمرد على الفساد ..

بكل ماتحمله الكلمة من معاني ...

_ _ _ _ _ _ _ _ _ _ _


هو ده كان أحساسي بعد اما اتفرجت على فيلم دكان شحاته ..
و مدي الظلم الرهيب اللى بيتعرض ليه " شحاتة " من أخواته بعد وفاة والده
اللي كان بيفضله على أخواته دايما فى كل شىء ..

وبالرغم من الكرهه الدفين فى قلوب أخواته ليه وبالرغم من الافعال الشنيعه التي ارتكبوها بحقه ..
الا انه بعد خروجة من السجن بدأ رحلة البحث عنهم " لأنهم وحشووه " .. وهما اساسا " باعووه " !! ..
والفاجعه الكبري ..


مشهد النهاية .. مشهد النهايه سيجعلك غير قادر على فعل اى شىء ..
ستتحدث دموعك بالنيابة عنك فى كل ثانية أستغرقها هذا المشهد ..

هيفاء وهبي .. تستحق " تصقيفه " عاليه وأعتقد انها تجربة ناجحة جدآ ليها فى السينما .

محمود حميده .. يستحق قبله من القلب اطبعها اعلي جبينه .. للآداء الرائع والمتميز .

عمرو عبد الجليل .. يستحق لقب " فاكهة الدكانة " .. دور أكثر من رائع .

غادة عبد الرازق .. أرفع القبعه وأنحني لها على الحضور المتميز .

أحمد سعد ... من غير صوتك فى الاغاني .. أعتقد الدكان كان هايبقي ناقصه كتير .

خالد يوسف .. أعجز عن الشكر .. الكلمات لن توفيك الا القليل .

دكان شحاته ..
طعم العسل .. الـمر ..

حياتي ...

حياتي بحب فيها الجنان ..
بحب فيها السكوت والكلام ...
بحب فيها الوهم والأحلام ...
بحب أحلم فيها من غير مانام ..
بحب أكل فيها وانا مش جعان ...
بحب أسمع ليها وقت الروقان ...
بحب أفكر فيها وانا خايف وقلقان ...
وشايل حمل اللى جاي كمان !!

حياتي ..
كلمات مش فاكر كتبتها أمتي وليه !!
بس المهم اني كتبتها ..

نفسي أطلع نضيف ...

امبارح قولت أدخل ع الموقع بتاع الاكاديمية واشوف النتيجة بتاعتي .. ومن جوايا كنت بقول يارب القيها ماظهرتش انا مش ناقص كفايه اللى انا فيه ... وفى نفس الوقت كان نفسي تبقي ظهرت عشان اعرفها واخلص واهي علقه تفوت ولا حد يموت .. وجت اللحظه الحاسمه مستني اخر اخبار تظهر قدامي عشان اعرف النتيجة اعلنت ع الموقع ولا لا ...

ان .. ان .. اااااه ..

ولقيتها فعلا اعلنت ع الموقع ..
ضربات قلبي بدأت تتعدي المسموح ..
كنت حاسس ان قلبي هايخترق عظام قفصي الصدري عشان يعلن عن تضامنه معايا ..
الصراحة كنت ف حالة قلق غير طبيعي ..

واخيرآ عرفتها .. وكانت كالتالي ..

3 مواد جيد ...
مادة جيد جدآ ...
مادة ضعيف جدآ ..

وكانت زى ماتوقعت " محاسبة تكاليف "!!

كان نفسي اطلع نضيف السنة دى .. بس اهه اللى حصل ..

أكيد ربنا ليه حكمه ف كدة!!

الى لقاء قريب

إن

شاء

الله

اهداء الي صغيرتي ...

" عندما أنظر الى عيونها أشعر وكأنني أنظر الى عيون العالم .. أذهب الى عالم بعيد .. بعيد .. لم اراه من قبل .. رأيته فقط وانا ناظرآ اليها "



أحبك أيتها الصغيرة لأنني ..

أري نفسي فيكي .. أشعر وكأنك تشاركيني نفس المشاعر والأحاسيس ..

يصلني كل ماتريدي أن تقوليه بالرغم من أنك ياصغيرتي لم تتعدي العام الواحد ..

ولكن ..

يكفيني فقط لمسة واحدة من يديكي

أو

نظرة واحدة من عينيكي

أو

قبلة من شفتيكي

أو

ضحكة مضيئة من وجهك المستدير

وجهك الذي كلما تذكرت تفاصيله وجدت أمامي طريقآ سهلآ مشرقآ ..

أنتي شمسي .. وقمري .... أنتي عيوني .. وأحلامي
أنتى كل شىء فى الوجود
أنتي حياتي
أحبك!!

إهداء الي صغيرتي
" مريم "